من ثلاث أيام حاجز دور عند الحلاق وباعث القميص المخطط والبنطرون الأسود عالكوا وموصي عامل المغسلة عدنان بيهن (( عدنان آني بحليب أمك أريد القميص يبرق برق وكسرة البنطرون مثل حد السيف ولاتعوقهن علي أخوي أخوي ))...
شني السالفة...؟؟؟ بعد ثلاث أيام عرس عباس صديق ابن عمتو شريفة ... والخطيبة راح تحضر العرس وعلااااوي حب يفاجئها ويحضر ..والحبايب هناك ماااااانية ...
طبعآ علاوي جاي بدعوة من ابن عمتو مو من العريس
قبل يوم من العرس ينزل علااااوي السوق يشتري علبة جيل أم الـ 75 لونها أصفر ..لان الحلاق عبد العظيم قال هذي أحسن نوعية بالسوق تخلي الشعر يابس وملزق ويقول للحلاق بدي مثل حلاقة كامل يوسف بأغنية عزابي ...ويشتري علاااوي علبة بوية أم الـ 35 ماركة(( المع بس المع )) طبعآ هذي الخلطة مسويها أكبر بويجي قرباطي بالمحافظة (( علاوي يقول ...ياخي سعادين هالقرباط )) ..يشتري علااااوي جرابات 5 بـ100 ويعدي عالكوا يجيب الهدوم وعلى طريق الرجعة يضرب علاااوي صندويشتين فلافل و يعبي جوالو 50 وحدة ..خاف الخطيبة تعلملو بالليل
ينام أبو حسين قرير العين..بعد ما جاب كل الغراض الضرورية لحفلة بكرى ..
يصحى علاااوي الصبح ويتمرخ وبينو وبين حالو يقول ..((ياسلاااام اليوم الدبك لأبو موزة))
تصير الساعة 5 المسا..يفوت علاااوي عالحمام ويبدأ يدندن (( بين المزح وبين الجد عبدالله..عبدالله)) يطلع أبو حسين من الحمام يلبس هدومو ويحط نص كيلو جيل أصفر مع رشة كلونيا ماركة ((كرزة وفتوح)) يوقف على باب الحوش يستنى سيارة أجرة ومو حيلا سيارة طبعآ لازم تكون كيا ريو أو أفانتي لأنو عيب يطلع بالماتيز أو السابا (( شتقول عنو الخطيبة بعدين ))
وهو بالطريق ..رايح باتجاه العرس يرن الجوال على نغمة ((شنهي الريام الوردن على بند الطاحونة ..قانوص لاتجفلهن فطيم الحمد وآمونة )) أغنية صلاح هليل الشهيرة
علاااوي يقول لعمى هذا رقم مصطفى ابن عمتي شريفة تانشوف شعندو ..الو ..هلا أبو صطيف ...آني بالطريق خمس دقايق وأكون بالصالة لاتخاف ماأتأخر ...مصطفى يقول بضحكة ((أي عرس ياحزين ؟؟))..
علااااوي: عرس عباس شبيك يوال والله إنك مصيف
مصطفى : مممم... بووو ...... ...عجل ماقلتلك ؟؟؟
علاااوي : لا ماقلتلي
مصطفى : عجل مابطلم ...لأن الشرطة العسكرية جت البارح شحطت عباس عالجيش وصار فرجة بالحارة من كثر ما ضربوه وألحز ماحدا يعرف عنو شي ..
علاااوي يفصل الجوال ويرفع ايدينو للسما ويقول (( روووووح ياعباس انشالله يجي فرزك قوات خاصة ومانشوف شكلك لبعد سنتين)) التفت علاااوي على صوت شوفير السيارة وهو يقول : آآآآآمين ...بس مابي شي ..علاااوي يقول لا مابي شي .. رجعني من مكان ماخذيتني
مما راااااااااق لي
